أديها ماسكة أيدي
................ بتطمن قلبي بحنيه
بتقولي يا كل وريدي
............ يا أغلى من نور عنيه
أعرف أن ده يوم عيدي
............ لما تعيش عيشة هنيه
********
خد بالك من نفسك
.......... وعيش ولو مره حياتك
وأياك تقسي قلبك
............ لو لحظه على أخواتك
أحفظ وصية أمك
............ من دلوقت لحد مماتك
********
قربت منها وقلتلها... بس
............. وضميت أيدها وبستها
أبتسمت وجوايه ... تعس
.................... عايز أطمن قلبها
وغصب عني ومن غير ما احس
.............. نزلت دمعة على كفها
********
أطمني يا أغلى ما ليا
................... وإن شاء الله خير
الدكاترة قالو العمليه
................... عملوها قبلك كتير
وريني الضحكة الحلوه ديا
........ وسبيها لربنا وبلاش تفكير
********
.................................أصعب وقت
لما خدوها الخوف اتزرع
................................جوايه وتهت
مبقتش حاسس غير بالوجع
....................وفي مكاني اتسمرت
كأني شجرة جذرها اتخلع
....................................... وقفت
********
وأنا لسه ببص لمكان دخولها
................. والثانية بتمر عليا ساعات
وقدامي كل كلمة كانت بتقولها
................... وكل حكايه من الحكايات
بس هفضل واقف للحظه خروجها
.............................من باب العمليات
ليست هناك تعليقات:
إرسال تعليق